Текст
"Ақмола облысы білім басқармасының Степногорск қаласы бойынша білім бөлімінің жанындағы Степногорск қаласының «Алпамыс» №3 балабақшасы»
мемлекеттік коммуналдық қазыналық кәсіпорны
Государственное коммунальное казенное предприятие «Детский сад №3 «Алпамыс» города Степногорск при отделе образования по городу Степногорск управления образования
Акмолинской области"
Күзгі кезеңдегі қауіпсіздік бойынша нұсқама
21.10.2026
Балабақша қызметкерлерімен күзгі кезеңде қауіпсіздік талаптарын сақтау бойынша нұсқама өткізілді. Нұсқаманың мақсаты — жазатайым оқиғалар мен жарақаттанудың алдын алу, қауіпсіз еңбек жағдайларын жасау және тәрбиеленушілердің мектепке дейінгі ұйымда қауіпсіз болуын қамтамасыз ету.
Нұсқама барысында жаңбыр жауған және алғашқы үсік түскен кезде балабақша аумағында қауіпсіз жүріп-тұру, түскен жапырақтарды уақтылы жинау, серуен алаңдары мен жабдықтарды тексеру мәселелері қарастырылды. Ылғал жолдарда, баспалдақтарда және ғимаратқа кіреберістерде сақтық шараларын сақтау қажеттігіне ерекше назар аударылды.
Қызметкерлерге өрт қауіпсіздігі ережелерін сақтау, электр құралдарын қауіпсіз пайдалану, эвакуациялық шығу жолдары мен дәліздерді бос ұстау қажеттігі ескертілді. Сондай-ақ төтенше жағдайлар туындаған кездегі іс-қимыл тәртібі, анықталған ақаулар мен қауіпті жағдайлар туралы әкімшілікке уақтылы хабарлау мәселелері талқыланды.
Педагогтерге тәрбиеленушілерді үнемі қадағалау және ауа райы жағдайларын ескере отырып, серуендерді ұйымдастыру кезінде қауіпсіздік шараларын сақтау қажеттігі еске салынды.
Нұсқама қорытындысы бойынша қызметкерлерге жұмыс орнында қауіпсіздік талаптарын сақтау, балалардың өмірі мен денсаулығын қорғау жөніндегі жауапкершіліктері түсіндірілді.
Просмотров: 115